Jonas Gudauskas: linku visyms ramaus, šilta ir viltinga šv. Kūčių vakara su pačēs artimiausēs žmuoniemis

Seimo laikinosios žemaičių grupės narys Jonas Gudauskas su žmona Zita prie Dionizo Poškos baublio

Mažeikių rajono Viekšnių lopšelis-darželis „Liepaitė“ kviečia visus atsiliepti į jų iniciatyvą ir artėjant metų sandūrai sukurti ir portalo www.manokraštas.lt virtualioje parodoje paskelbti padėkas.

Dėkojame šios iniciatyvos globėjai Seimo laikinosios žemaičių grupės pirmininkei Rimantei Šalaševičiūtei ir savo padėkojimais prisidedantiems šios grupės nariams.

Šįkart žemaitišką iniciatyvą palaiko Seimo laikinosios žemaičių grupės narys Jonas Gudauskas.

Esu tikras žemaitis, gimis ir augis Šiauduvuos kaime, Šilales rajuone. Iš čia kilin ir muna tievā, tāp pat ir diedi – bindravardis Juons Gudauskis, katras 1938 m. buva Lietuvuos teisinguma ministras. Čia užauga ir muna trys sūnā.

Tai muna šaknes yra Šilales krašte – Žemaitijes regiuone. Čia stūksa net 34 piliakalnē – daugiausē visuo Žemaitijuo, vuo pats iškiliausis iš anų – Medviegalis. Didžiūjūs sava gimtūju rajuonu ir diel kitų istuorines reikšmies uobjektų. Dijuoniza Puoškas priš 210 metų įkurts Baublių muziejus yra ne tik pats seniausis, bet ir mažiausis Lietuvuo. Vuo šitā Laukuvuo, katruo aš muokiaus, esunti bažnyči garsi diel čia nesenē atrastų Art Deco stiliaus tautinių muotyvų piešinių. Kituos tokiuos bažnyčes Lietuvuo niera. Neabejuotinā didžiūjamuos ir iškilēs žmuonimis, katrus irgi užaugina Šilales krašts. Tai – prezidents Aleksandras Stulginskis, lakūns Stasys Giriens, kalbininks Kazimiers Jaunius, Švintuoji rašta vertiejis prelats Untans Rubšys ir daug kitų.

Mas, šilališkē, šnekam pytų žemaičių varniškių tarme. Pytų žemaičių kalba šyk tyk skirās nu kitų žemaičių, tudie ne visada pavykst vynuodā suprasti tus pačius žuodžius, juk mas anus taram skirtingā. Mas labiau miegstam sutrumpinti galūnes. Daug šilališkių šnek gražia bindrine kalba. Daugiausē ir aš šneku bindrine kalba, bet kartās pasitaika ir pažemaičiūti ringiniūse ar su giminaitēs.

Dabar, besibaigunt metams, nuorās atsisukti atgal ir atsiminti tai, kas jau padaryta, pasidžiaugti kad ir mažuom, bet širdē svarbiuom pergaliem tyk darbe, tyk asmeniniam gyvenime, pagaliau pagalvuoti, kun veiksma 2023 metās. Metų sandūruo yra puiki pruoga padiekuoti visyms, kas sava kasdyninēs darbās prisided pri Šilales krašta gražinima. Tai ba gala svarbu, nes nu mūsų visų priklausa, kāp gyvensma mas, mūsų artimyjē, šalia esuntis.

Linku visyms ramaus, šilta ir viltinga šv. Kūčių vakara su pačēs artimiausēs žmuoniemis. Tegul bindrystė ir bindravimas pakurstys naujuoms idiejuoms ir darbams. Šv. Kaliedas tegul atneš Dieva palaimą, džiaugsmą ir priminimą, kad kaliedini širdis yra dūdunti ir atvira širdis, katra pirmiausē galvuo apie kitus. Naujųjų Metų sutiktuves tegu duovenuo tik gerą nuotaiką ir akimirkas, katras atsiminsma ilgā.

Nuotr. iš J. Gudausko asm. archyvo